التنين المجنح
معظم اللى يعرفونى او بيتابعونى بيلاقو الكلمة دى بتتكرر كتير على صفحتى
الحكاية بدأت فى الصيف اللى فات قبل فى يوم من ايام نوبات الارق الصيفية اللى كانت داخلة فى يومها الخامس بخمس ليالى من غير نوم
الساعة كانت حوالى 7 ونص الصبح "المعاد اللى اخويا خالد بيدخل ينام فيه" و انا طالع من اوضتى رايح ادخل الحمام و فجأة لقيته طاير فوق راسى
لا يا عم مش خالد اللى طاير
دة التنين المجنح
و بصيتله و لقيت "الشرر الاحمر فى عينيه ينادينى نحو الاعمق ..... انى اتنفس جوة النار انى احمق احمق احمق"
اه طبعا احمق
بعض الناس بيشوفو ان الحب هبل او حماقة
و لو الحب دة بين انسان و حيوان بيشوفوه حماقة اكتر
تخيل بقا لما الحب دة يكون بين انسان و كائن اسطورى مش موجود و يمكن يكون مكانش موجود فى يوم من الايام اصلا
و كمان حب من اول نظرة
من يوميها بقا يا سيدى و انا بحب التنين المجنح جدااااااااا
..................................
نظريات طفولية بكر
النظرية الاولى
الازمنة المتوازية فى الابعاد المختلفة
طبعا العنوان دة مش طفوى خالص
ولا حتى بكر بالمرة دة ملعوب فيه للصبح
دى بقا نظرية من النظريات اللى كنت او مازلت بعتقد فى وجودها و هى ان كل الحقب الزمنية بتحصل فى نفس الوقت فى بعد مختلف فى نفس المكان اللى احنا فيه
متلخبط؟؟!!
ابسطهالك
يعنى ببساطة الرسول لسه راجع من الطائف دلوقتى فى نفس مكانه لكن فى بعد مختلف و فى زمنه هو
و فى نفس الوقت بس فى بعد تانى سيدنا أدم بيوصى قابيل على هابيل قبل ما يسافر و يسيبهم
و طبعا بما اننا فى بعد مختلف فاحنا بالنسبالنا كل اللى بيحصل فى الابعاد التانية ماضى لان احنا مش شايفينه بس عارفين تفاصيل منه
و فى بعد تانى فيه حد فى المستقبل راكب الجزمة النفاثة بتاعته و طاير بيها عشان رايح يقابل حبيبته
اللى خلينى مقتنع بالنظرية دى رغم ان مفيش اى دليل على صحتها او على نفيها ان الجن المفروض انهم موجودين فى نفس المكان اللى احنا فيه لكن فى بعد مختلف عن اللى احنا فيه عشان كدة مش شايفينهم
.....................................
النظرية التانية
أنا و النجوم و بابا "الله يرحمه"
النجوم : مجموعة من الاجسام التى تتكون من مجموعة من الغازات و المعادن شديدة الحرارة
النجوم ممكن تتعرضلها فى دراستك لو انت بتدرس فيزيا او كيميا او طبيعة او فلك
بالنسبالى النجوم حاجة تانية
النجوم بالنسبالى ليها تأثير كبير خصوصا انها بتمثلى الموتى
اليوم اللى بيكون فيه نجوم كتير ببقى حاسس ان عدد الناس المميزة اللى ماتو فيه كتير و هما النجوم دى
النظرية دى بقت فى حياتى من بعد ما شوفت فيلم "the lion king"
سيمبا كان مقتنع بكدة هو كمان
زادت الفكرة عندى من بعد موت والدى
خصوصا ان كان فيه نجمة بتيجى تقف قدام بلكونتنا لمدة ساعتين فى نفس المعاد كل يوم
كنت بحس انه واقف بيطمن علينا من مكانه
و من مكانى دلوقتى مقدرش اقول غير "الله يرحمه"
......................................
طبعا مش هتكلم عن انى كنت طفل شقى عملت بلاوى
ولا عن انى كنت كداب هاااااااااايل و متمكن جدا فى الكدب خصوصا من بعد ما كدبت كدبة و اتفقست (كسرت دراع نضارة بابا و لما سألنى قولتله الدراع دة ضرب الدراع التانى و كسره)
معظم اللى يعرفونى او بيتابعونى بيلاقو الكلمة دى بتتكرر كتير على صفحتى
الحكاية بدأت فى الصيف اللى فات قبل فى يوم من ايام نوبات الارق الصيفية اللى كانت داخلة فى يومها الخامس بخمس ليالى من غير نوم
الساعة كانت حوالى 7 ونص الصبح "المعاد اللى اخويا خالد بيدخل ينام فيه" و انا طالع من اوضتى رايح ادخل الحمام و فجأة لقيته طاير فوق راسى
لا يا عم مش خالد اللى طاير
دة التنين المجنح
و بصيتله و لقيت "الشرر الاحمر فى عينيه ينادينى نحو الاعمق ..... انى اتنفس جوة النار انى احمق احمق احمق"
اه طبعا احمق
بعض الناس بيشوفو ان الحب هبل او حماقة
و لو الحب دة بين انسان و حيوان بيشوفوه حماقة اكتر
تخيل بقا لما الحب دة يكون بين انسان و كائن اسطورى مش موجود و يمكن يكون مكانش موجود فى يوم من الايام اصلا
و كمان حب من اول نظرة
من يوميها بقا يا سيدى و انا بحب التنين المجنح جدااااااااا
..................................
نظريات طفولية بكر
النظرية الاولى
الازمنة المتوازية فى الابعاد المختلفة
طبعا العنوان دة مش طفوى خالص
ولا حتى بكر بالمرة دة ملعوب فيه للصبح
دى بقا نظرية من النظريات اللى كنت او مازلت بعتقد فى وجودها و هى ان كل الحقب الزمنية بتحصل فى نفس الوقت فى بعد مختلف فى نفس المكان اللى احنا فيه
متلخبط؟؟!!
ابسطهالك
يعنى ببساطة الرسول لسه راجع من الطائف دلوقتى فى نفس مكانه لكن فى بعد مختلف و فى زمنه هو
و فى نفس الوقت بس فى بعد تانى سيدنا أدم بيوصى قابيل على هابيل قبل ما يسافر و يسيبهم
و طبعا بما اننا فى بعد مختلف فاحنا بالنسبالنا كل اللى بيحصل فى الابعاد التانية ماضى لان احنا مش شايفينه بس عارفين تفاصيل منه
و فى بعد تانى فيه حد فى المستقبل راكب الجزمة النفاثة بتاعته و طاير بيها عشان رايح يقابل حبيبته
اللى خلينى مقتنع بالنظرية دى رغم ان مفيش اى دليل على صحتها او على نفيها ان الجن المفروض انهم موجودين فى نفس المكان اللى احنا فيه لكن فى بعد مختلف عن اللى احنا فيه عشان كدة مش شايفينهم
.....................................
النظرية التانية
أنا و النجوم و بابا "الله يرحمه"
النجوم : مجموعة من الاجسام التى تتكون من مجموعة من الغازات و المعادن شديدة الحرارة
النجوم ممكن تتعرضلها فى دراستك لو انت بتدرس فيزيا او كيميا او طبيعة او فلك
بالنسبالى النجوم حاجة تانية
النجوم بالنسبالى ليها تأثير كبير خصوصا انها بتمثلى الموتى
اليوم اللى بيكون فيه نجوم كتير ببقى حاسس ان عدد الناس المميزة اللى ماتو فيه كتير و هما النجوم دى
النظرية دى بقت فى حياتى من بعد ما شوفت فيلم "the lion king"
سيمبا كان مقتنع بكدة هو كمان
زادت الفكرة عندى من بعد موت والدى
خصوصا ان كان فيه نجمة بتيجى تقف قدام بلكونتنا لمدة ساعتين فى نفس المعاد كل يوم
كنت بحس انه واقف بيطمن علينا من مكانه
و من مكانى دلوقتى مقدرش اقول غير "الله يرحمه"
......................................
طبعا مش هتكلم عن انى كنت طفل شقى عملت بلاوى
ولا عن انى كنت كداب هاااااااااايل و متمكن جدا فى الكدب خصوصا من بعد ما كدبت كدبة و اتفقست (كسرت دراع نضارة بابا و لما سألنى قولتله الدراع دة ضرب الدراع التانى و كسره)
ليست هناك تعليقات:
إرسال تعليق