الاول قبل ما اكتب عن اللى حصل و خلانى اكتب المقال دة نتكلم شوية عن كلمة "a7a" او كما ينطقها المصريون "أحا" فهناك تفسيرات كثيرة للكلمة التى تعد من ضمن الجمل الاعتراضية
هناك من قال انها ظهرت فى العصر الفاطمى حينما كانت المظاهرات يقولون فيها احتج فأمر احد الخلفاء بان كل من ينطق كلمة احتج سيسجن فحرفوها الى احتا ثم الى "احا"
و هناك من يقول انها تجميع للحروف الاولى من كلمات جملة "أنا حقا اعترض"
و هناك من يلفظها بطريقة اخرى و يقول انها تجميع للحروف الأولى من "أرفض حدوث هذا"
و انا مالى ؟؟
انا بحكيلكم دة ليه؟؟
مانتو بتقولوها ليل و نهار و اللى بيقولكم عيب بتخزقوله عنيه و بتخرموله ودنه بالكلام دة و حافظينه اكتر منى
ما علينا
أنا طبعا شاب عادى زى أي واحد منكم فى اول رمضان زى ما بيحصل كل سنة قررت زى اى واحد فيكم ما قرر انه مش هيشتم و مش هيعمل حاجة غلط و هيصلى الفرض بفرضه و هيقرأ قرأن و هيعمل خير و مش هيقول حاجات الناس شايفاها غلط زى الكلمة دى
لكن إذ فجأة و هما بيعلنوا عن الرؤية ان النهاردة بقا أول يوم فى رمضان النور قطع :D
أول كلمة قولتها "يا حلولى"
عادى ما علينا بتحصل فى اى حتة فى العالم
قعدت مستنى ساعة .. اتنين .. تلاتة لحد ما النور ربنا نتعه بالسلامة و جيه الحمد لله
فتحت _لا مؤاخذة_ الطنيطر بتاعى لقيت ان الحكاية مش عندى انا بس
النور بقاله يا حضرات 5 ايام بيقطع كل يوم 3 مرات كل مرة فيهم لا تقل عن ساعتين يعنى بالميت كدة 6 ساعات يوميا
قوم ايه لسه مفوقتش من فرحتى برجوع النور و لسه بقفل الكمبيوتر و بمسك كتاب اقراه لقيت النور راح قاطع تانى ولا أخفى عليكم انه المرادى خد ساعتين ونص بس
من الساعة 11 ونص الى الساعة 2 بالتمام و الكمال
قوم ايه لسه مفوقتش من فرحتى برجوع النور و لسه بقفل الكمبيوتر و بمسك كتاب اقراه لقيت النور راح قاطع تانى ولا أخفى عليكم انه المرادى خد ساعتين ونص بس
من الساعة 11 ونص الى الساعة 2 بالتمام و الكمال
دة طبعا فكرنى بالايام الحلوة ايام المخلوع "لعنة الله عليه" لما كان النور برضو بيقطع كل يوم فى رمضان و خاصة وقت السحور و الفطار
بس هنقول ايه
نستنى شوية و ان شاء الله البلد هتتظبط
لكن انى ادخل تويتر و ألاقى اللى انا _لجهل منى_ مكنتش عارفه إن حسن بيه يونس وزير الكهربا لسه زى ما هو وزير من عهد المخلوع
فبالصلاة ع النبى كدة شكله هيبقى شهر لوز اللوز و هنقضيها "قوم ولعلك شمعة نورها مستنيك" دة اذا لقيت الشمع اصلا
و بما انى كنت على طول بتنطط على أى حد بيكتب ع النت "اناشد و أطالب و الكلام دة فـ يلا بقا "أناشد السيد الرئيس/محمد مرسى بسرعة تعيين الوزارة و تغيير "ابن ال......" كمال الجنزورى برئيس حكومة جديد شريطة ألا تتضمن تلك الحكومة "فايزة ابو النجا" و "حسن يونس" إلهى يخليلك عيالك و يسترها معاك أشيخ"
هناك 6 تعليقات:
عيب واكتبها تيت او اي حاجه انت في رمضان بردو مش كل حاجه ف السلكاوي كدا .. هتاخد بيها سيئات ال بيرددها
انا نفسى افهم يعنى هو انت مقرأتش التدوينة؟؟
ماهو مكتوب فوق معنى الكلمة .. او يا سيدى على الاقل المعنى اللى انا اقصده
انا شخصيا مش شايف انها عيب ولا حرام انى اكون معترض او محتج على حاجة و اقول جملة او كلمة بتعبر عن اعتراضى دة و انا شخصيا وضحت المعنى
ههههههههههههههههههههه
تصدق اعجبتنى
والله حلوه كمل يا سيد بس اهم حاجه تجيب بنات
الموضوع حلو جدا ......... وعجبنى اوى على فكره وانا شخصيا بتضايق من اى حد بيقول الكلمه دى وبينزل فورا من نظرى مهما كانت درجة انفعاله وبعدين اللفظ بيتشاف من ظروف المجتمع اللى حوالينا وللاسف الكلمه دى مش كويسه حتى لو ليها معنى كويس.......تقبل مرورى :)... ديدا
ههههههههههههههههههه
ماشى يا توفيق :)
ديدا : شكرا لمرورك الجميل و اتمنى المدونة تكون عجبتك ، فعلا الكلمة بقت بتتقال بشكل مستفز و للاعتراض و لغيره و بقت بتستخدم بشكل مختلف عن هدفها الاصلى لكن انا حبيت اوضح فى المقدمة ان الكلمة فى حد ذاتها مش غلط
يعنى لو شوفنا المقابل بتاعها فى اللغات التانية زى فى الانجليزى "objection" هنلاقيها بتتقال عادى مع انها نفس المعنى
إرسال تعليق